MOTOR EUWEUH TANAGAAN

           C A N   D A H A R
CARITAAN RADA HARIWANG

Judul : Motor Euweuh Tanagaan
Karya : Rendy Raynaldy

   Hiji mangsa kuring nyerpis motor di salahsahiji bengkel resmi, tapi kakara saminggu tidinya kuring ngarasa motor teh asa euweuh tanagaan .

   Kuring kaingetan aya sobat anu boga pangabisa kana masalah motor, da sobat kuring eta sok narimaan serpis motor di imahna .

   Singkat carita kuring indit ka imahna, nu teu jauh ti imah kuring . Teu lila kuring nepi ka imah sobat kuring eta, manehna nu keur aya dihareupeun imahna langsung nanya ka kuring,

Sobat : "Eh bro, tumben maneh kadieu?"

Kuring : "Ieu bro, motor kuring kunaon nya euweuh tanagaan, asa eungap dibawa lumpat teh."

Sobat : "Can diserpis meureun bro, iraha maneh terakhir serpis?"

Kuring : "Puguh eta bro, minggu kamari kakara diserpis dibengkel resmi, sok ajaran heula gera ku maneh bro."

Sobat : "Cik atuh ku kuring rek diajaran heula, tapi di beulah ditu nya ngajaranna, karunya tatangga bisi ka ganggu"

Kuring : "Nya sok atuh bro."

   Sobat kuring eta langsung indit ka beulah ditu, rek nyobaan motor kuring. Teu kungsi lila manehna geus balik deui, bari mawa motor kuring.

   Kuring rada heran kusabab manehna balik deui teh hahehoh, bari ngoprot kesang siga nu geus lari maraton. Kuring bari rada bingung, nanya ka manehna,

Kuring : "Kumaha bro motor kuring?"

Sobat : "Bener bro euweuh tanagaan, jeung eungap dibawa lumpat teh."

Kuring : "Puguh heueuh ceuk kuring ge, matak kuring kadieu hayang menerkeun eta motor. Ari maneh kunaon eta kuatka ngoprot kesang kitu bro?

Sobat : "Eh ari maneh kumaha, pan kuring teh geus nyobaan motor maneh".

Kuring : "Piraku nyobaan motor nepika ngoprot kesang?"

Sobat : "Pan ceuk maneh motorna euweuh tanagaan, asa eungap mun dibawa lumpat teh. Nya geus weh motorna ku kuring didorong bari lumpat, teu dihirupan mesin na."

Kuring : "Ari silaing cageur bro? maksud aing teh mun dibawa ngebut euweuh tanagaan, lain kalahkah didorong bari silaing lumpat"

   Selang sabaraha menit tidinya sobat kuring sakalor bahamna ngabudah bari jeung utah uger, kuring nu embung kasalahkeun buru-buru weh balik ka imah .

   Nepi ka imah kuring langsung nulis ieu carita, bari ngopi jeung udud ningalikeun nu maca.

hehehe...

• TAMAT •

Tong Hilap Subscribe KUYEN CHANNEL