MEULI KARTU KUOTA

           C A N   D A H A R
CARITAAN RADA HARIWANG

Judul : Meuli Kartu Kuota
Karya : Rendy Raynaldy

  Harita kuring ngarasa handeueul, kuring katipu ku konter anu ngajual kartu kuota.

  Singkat carita kuring indit ka salahsahiji konter, anu rada jauh ti imah kuring.
Niat kuring hayang meuli kartu kuota nu tinggal make, kusabab kuring embung riweuh .

  Geus leumpang rada jauh kuring nepi di salahsahiji konter eta, kuring langsung milihan kartu bari nanya kanu ngajagaan konterna,

Kuring : "kang hoyong kartu kuota S anu 30gb"

Konter : "oh ieu jang"

Kuring : "ieu tos aktif kang?"

Konter : "atos jang, kantun nganggo"

Kuring : "oh muhun atuh ieu weh, sabarahaa ?"

Konter : "65 jang"

  Geus kartu eta dibayar, kuring geuwat balik ka imah da hayang gera nyobaan eta kartu.
  Nepi ka imah ku kuring langsung dicobaan, tapi kuring heran kusabab eta kartu can bisa dipake.

  Ku kuring geus di utak-atik eta kartu, masih keneh can bisa dipake, ka paksa kuring balik deui ka eta konter bari rada keuheul.
  Teu kungsi lila kuring geus nepi ka eta konter, bari rada keuheul kuring nanya kanu ngajagaan konterna,

Kuring : "kang, ongkoh kartu teh geus aktif?

Konter : "muhun atos jang, kunaon kitu?

Kuring : "gening can bisa dipake kang"

Konter : "cobi ninggal hp na jang"

Kuring : "naha make jeung nanyakeun hp?"

Konter : "muhun bilih pengaturanna lepat"

Kuring : "kan tadi ceuk akang geus aktif, tinggal make cenah?"

Konter : "muhun ayeuna ku abdi bade ditingal heula bilih pengaturan hp na lepat, kan kedah dipasangkeun heula kanu hp ujang supados terang naha teu acan tiasa dianggo"

Kuring : "si akang mah teu baleg, rek nipu nya. matak kuring hayang kartu nu geus aktif jeung tinggal make ge, kuring mah teu boga hp"

Konter : "#$%&*"

   Kuring heran ningali nu ngajagaan konter eta pingsan, kusabab embung kasalahkeun kuring buru-buru balik ka imah .
   Langsung weh nulis carita ieu, bari ngopi jeung udud ningalikeun nu maca carita ieu.

hehehe...

• TAMAT •

Tong Hilap Subscribe KUYEN CHANNEL